Da 1791 entochen ca. 1970 ei la tegia da Rasuz stada en funcziun. Ella consista dalla cuschina che surveva il medem mument sco cascharia, e dalla stiva, che vegneva era duvrada sco dormitori, dalla combra da latg e dil tschaler da caschiel. La tegia vegneva duvrada en differentas modas duront igl entir onn:
• Ver treis jamnas il zercladur era il pur si leu cun sia biestga, avon ch’el mava cun quella ad alp; ils buobs gidavan el a far caschiel e pischada.
• Igl uost mava l’entira famiglia a prada Ella tegia, per far fein duront circa treis jamnas.
• Suenter la scargada miez settember restava la biestga igl emprem aunc in temps si prada e vegneva pertgirada dil perveseder che habitava Ella tegia.
• Igl unviern surveva la tegia sco liug da cuschinar e da durmir duront l’envernada. La tegia da Rasuz ei vegnida allontanada la primavera 2006 e reconstruida sin iniziativa privata entadem il vitg ella vischinonza dil Flém. Ella dat perdetga d’in temps vargau e stat sco Exempel per las biaras tegias da prad si che han fatg onns en ed onns ora il medem survetsch.
