El testament da Tello vegnan beins ad Anives numnai. Il vitg da Danis, oriundamein construius per liung dalla via, ei situaus sin ina planira sur il Rein. La pli veglia part dil vitg fuorman las casas dalla zona su. La part sut dil vitg ei vegnida reconstruida suenter il grond incendi da 1924.
La construcziun dallas ovras electricas ha iniziau suenter ils 1970 in ferm svilup economic. Ensemen cun las centralas ei era il quartier da Tumvi per ils emploiai dallas ovras vegnius construius. Pli giuvens ein ils quartiers da Plaun e Grotta.
Per far frunt alla reformaziun che haveva fitgau pei a Danis-Tavanasa ha igl avat da Mustér schau ereger a Danis igl onn 1581 ina caplutta dedicada alla Sontga Trinitad. Suenter la separaziun ecclesiastica da Breil ils 1650 ei la pleiv da Danis-Tavanasa vegnida pastorada tochen el 20avel tschentaner da paders caputschins. Dapi 2016 fuorma Danis-Tavanasa puspei in pleiv cun Dardin e Breil.
La meglieraziun funsila ei vegnida terminada igl onn 2001.
