Las purtadras prinicipalas dalla cultura ein las uniuns da cant e da musica. Il cant vegn tgiraus da treis chors: Il Chor Baselgia Breil, Il Chor viril Breil, Il Chor Uvriu Danis-Tavanasa. Las fiastas dils vitgs e vischnaunca vegnan enramadas dallas producziuns dalla Societad da musica Breil-Dardin e Societad da musica Danis-Tavanasa. Schegie che tut las uniuns han pitiu dil temps da corona ed han da sbatter cul diember da comembras e commembers, eis ei legreivel ch’ellas san aunc exequir lur pensums en favur dalla cultura da vitgs e vischnaunca.
