Il Chor Baselgia Breil ha scret en siu maletg empalont denter auter:
Nus embellin ils survetschs divins enten
– cantar messas romontschas e latinas en quater vuschs,
– cantar canzuns spiritualas,
– accumpignar e sustener il cant dil pievel,
– mantener beins da cultura cantica en pleiv (viaspras, cants processiunals).
Chor Baselgia Breil, perdanonza 2020
Il Chor uvriu Danis/Tavanasa ei vegnius fundaus suenter la fusiun dils dus chors mischedai e baselgia. Ei setracta d’in giuven cor inovativ che conta canzuns da tuts geners. Era en baselgia accumpogna il chor las fiastas da baselgia e las sepulturas cun canzuns ecclesiasticas.
L’emprova da cant ei mintgamai la gievgia-sera. Tut tgi che ha tschaffen e plascher da cantar ei beinvegnius el chor.
Il Chor viril Breil ha per intent da cultivar il cant viril Romontsch dalla canzun populara ed artictica. El medem temps duei el promover amicezia e concordanza denter ses commembers sco era cun autras uniuns.
Il chor viril vul arrivar a siu intent cun far exercezis ed arranschar concerts, cun separticipar a fiastas da cant e cun organisar viadis e festivitads musicalas.
