Teater

Entochen viaden els onns 1960 existevan en tuts treis vischinadis dalla vischnaunca da Breil uniuns da teater; las uniuns dramaticas. La fin digl unviern (fevrer e mars) sepresentavan ellas alla tribuna cun lur teater. Savens setractava ei da dramas pli liungs cun in tema ord la historia grischuna ni svizra.
A Breil ei l’uniun vegnida reactivada igl onn 1987. Dapi lu sepresenta l’Uniun dramatica Breil mintg’atun alla tribuna. Ils davos onns sefatschenta l’uniun cun teaters da gener divertent-popular.

Uniun dramatica Breil