En quei liug vegnan broschuras che han in connex special cun la cultura e historia dalla vischnaunca da Breil presentadas.
 |
La broschura „Sendas historicas“ ha il forum cultural ediu igl onn 2011. A moda captivonta presentan ils auturs Bistgaun Cathomen e Werner Carigiet la „Senda historica Survitg“ e la „Senda historica Via da Strada“. Sin varga 30 paginas vegn la geografia, la flora e fauna presentadas per romontsch e per tudestg. Dapli mira sut Cultira, Vias e sendas. Editur: Forum cultural Da retrer dil biro touristic. |
 |
1995 ha la pleiv da Breil decidiu da renovar la caplutta da s. Martin. En quei connex ha il fideivel hosp da vacanzas da Breil Jürgen Thies ediu ina broschura historica dalla caplutta cul tetel „Die Kapelle St. Martin in Brigels – Ihre Ausstrahlung auf Religion, Kunst und Seelenheil“. Da retrer dalla pleiv da Breil. |
