 |
Il „Cudisch da Breil“ presenta ad indigens ed a hosps il vitg da Breil en fuorma surveseivla e concisa. Il cudisch ch’ei screts per romontsch e tudestg ei partius en treis capetels principals. Michael Friberg: Il vitg e la vischnaunca da Breil, Chrsitian Murer: Spassegiada historic-culturala, Rudolf Zuber: Excursiuns historic-naturalas. Editur: Vischinadi da Breil, 2007. Il cudisch ei exausts. |
 |
Duitg Balletta ha viviu naven da 1760 entochen 1842. Da 1779 entochen 1792 eis el staus en survetsch franzos. Quella carriera terminescha el sco litinent. Suenter sia relaschada daventa el in fervent adherent dall’Austria. Sco capitani meina el l’armada dalla Ligia Grischa encunter ils franzos. 1799 vegn el deportaus en Frontscha. 1801 tuorna el puspei navos a Breil. 2004 ha Claudio Vincenz ediu il diari che Balletta ha scret da quei temps e muniu quel cun glossari, commentari e bibliografia. Il tetel secloma „Remarcas da mia veta“. Da retrer digl autur. |
 |
Ludivina Camartin-Cadurisch ei naschida 1916 a Surrein. Viviu ha ella denton quasi sia entira veta el vitg da Breil. En quei vitg e contuorn ha ella luvrau 53 onn en sia clamada da spindrera. 1998 ha sia feglia, sora Florentina Camartin ha elavurau las remeniscenzas che la Vina haveva nudau e presentau quellas en in cudisch cul tetel „Da tuttas uras“. Il cudisch porscha in’interessanta investa Ella cultura purila e sociala d’in vitg muntagnard d’avon e suenter la 2. uiara mundiala. Editur: Ediziuns Trianghel Breil, 1999 Da retrer dallas librarias. |
 |
Las ovras da Giacun Hasper Muoth ein vegnidas edidas dalla Vischnaunca da Breil e redigidas en sis Toms da Iso Camartin e Leo Tuor. Tom 1: Cronica 1, 1994 Cronica da sia veta, da sias ovras e da siu temps, cumpilada da Leo Tuor Tom2: Cronica 2, 1994 Documents da siu temps, cumpilai da Leo Tuor Tom 3: Poesias 1, 1997 Ovras originalas, messas ensemen da Leo Tuor Tom 4: Commentari 1, 1997 screts da Iso Camartin e Leo Tuor Tom 5: Poesias 2 cun commentari, 1998 Ovras translatadas, messas ensemen e commentadas da Leo Tuor Tom 6: Prosa e Registers, 2000 Mess ensemen da Leo Tuor Editur: Casa editura Octopus, Ils cudischs ein exausts. |
 |
„Nossa Punt“ da Wilfried Dechau Ensemen cun ulteriurs auturs presenta il fotograf Dessau las siat punts da Tavanasa en text e maletg. Il cudisch ei screts en treis lungatgs: romontsch, tudestg ed engles. Sin 145 paginas vegn la historia dallas punts da Tavanasa documentada a moda meisterila. Da retrer tier Breil turissem e dallas librarias. |
 |
Breil/Brigels da Isabelle Metzen Cudisch plein pievel / WimmelbuchTemas: Fiera da Silvester Tschuppina Lag da far bogn Scargada Pendicularas www.wbbbb.ch ISBN: 978-3-94718-849-9 Da retrer tier Breil turissem. |
