![\"caltgera2\"](\"http:\/\/focubreil.ch.cassius.sui-inter.net\/wordpress\/wp-content\/uploads\/2015\/08\/caltgera2.jpg\")
\nSigl intschesse dalla vischnaunca da Breil\u00a0vegneva barschau caltschina en plirs differents loghens. Deplorablamein ein tuttas svanidas culs onns. Sulettamein quella da La Favugn su ha saviu vegnir spindrada.
\nCaltgeras vegnevan construidas leu nua ch’ei veva crappa-caltschina e lenna. La lenna vegneva pinada igl onn avon per ch’ella seigi secca ed ardi bein.
\nGiufuns la caltgera stueva restar in caviertg liber per emplunar la lenna. Suren vegneva construiu in arviul cun crappa-caltschina. Denteren vegneva schau ruosnas per che la calira possi contonscher tut la crappa. La crappa gronda vegneva plazzada enamiez, la pintga vegneva tschentada encunter la preit e sisum. Alla fin serrava il brischacaltschina il fuorn cun dascha e\u00a0rasava ina stresa arschella suravi. Permiez si vegneva schau ina fessa, il bural. Quel era fetg impurtonts per dar aria e menar il f\u00e9m ord la fueina.
\nCura che tut era preparau vegneva dau fiug. Duront 2 – 4 dis\u00a0astgava il fiug nzca stizzar. La lenna stueva barschar di e notg. Igl emprem di vegneva scaldau si\u00a0plaunsiu il fuorn. Il secund di entscheveva la crappa giufuns a secotschnir, a buglir. Entochen che la crappa sisum era cotschna, cuzzava ei magari entochen quater dis. Vid la colur dil f\u00e9m ord il bural savev’ins schazegiar con lunsch ch’il process da barschar seigi.
\nEra la procedura alla fin, vegneva il bural serraus. Aschi treis dis pli tard vegneva la caltgera svidada.<\/p>\n