La vischnaunca da Breil sesanfla il pli egl ost dallas vischnauncas dalla Cadi. Da vart dretga dalla riva dil Rein s’extenda il territori communal sur ina sdrema teissa entochen sin la planira dalla vischnaunca da Sursaissa. Da vart seniastra dil Rein tonscha el dil funs dalla val sur las spundas suleglivas entochen al sparta-auas dil Pass Lembra.
Las differenzas d’altezia enteifer il territori communal ein considerablas. Il terren agricol al Rein situaus il pli bass sesanfla sin strusch 800 m s. m. Ils praus ils pli aults contonschan al pei dall’Alp Quader in’altezia da bunamein 1’800 m. Ils pli aults pézs – Péz Tumpiv, Péz Cavistrau, Péz Frisal e Péz Durschin – contonschan in’altezia da varga 3’000 m.
La surfatscha communala mesira varga 5’000 ha. Quellas serepartan sin ca. 700 ha terren agricol, 1’100 ha uaul e caglioma, 1’600 ha alps e pastiras e tuttina bia terren cun cuolms, pezza e garveras.
Ella carta cheu sut ein ils varga 1’000 nums locals sin territori da vischnaunca d’anflar.
Clichescha el quadrat sisum dretg!
