Ils 1 da zercladur 2010 ei il Forum cultural dalla vischnaunca da Breil vegnius fundaus. Igl intent dall’uniun ei vegnius francaus els statuts sco suonda: L’uniun ha gl’intent da mantener e promover tuttas spartas che sefatschentan dalla cultura en vischnaunca. Las activitads cumpeglian las suandontas spartas tematicas: cultura en general, lungatg, historia, architectura, cultira, occurrenzas, publicaziuns.
El decuors dils onns ha l’uniun sviluppau ina vasta activitad e realisau persula u ensemen cun differents partenaris plirs projects da valeta culturhistorica.
Per informar tut ils commembers e fauturs dalla cultura ha l’uniun gia dalla bial’entschatta aviert la pagina da casa focubreil.ch. Cun la broschura che vus tenis enta maun ha l’uniun lantschau in ulteriur canal per informar la populaziun dils vischinadis da Breil, Dardin e Danis-Tavanasa dils fatgs culturals e dall’ierta culturala. La broschura duei cumparer duas gadas ad onn; il mars ed il settember.
Las gasettas cumparidas entochen uss anfleis vus cun cliccar cheu sut.
