Oz vegn il teisser a maun quintaus tier la lavur d’artisanadi. Menaschis da teisser dat ei strusch pli. Ils paucs ch’ei dat aunc scaffeschan mo teilas specialas ed exclusivas. Quei ei buca auter el luvratori da teisser da dunna Erika Schneider. Cheu vegn produciu: schigentamauns, teppis, starschuns, sets da meisa, passatoris da meisa, cozzas da launa, tastgas, schlingias e bia auter. Naturalmein ch’ei vegn era produciu battegls sin empustaziun.
Ina viseta (gliendisdis, mesjamna, venderdis suenter miezdi) dat investa ella lavur dalla tissunza.
