A cattar biemaun
Bien gi bien onn e dei biemaun,
Nus gaivischein in bien niev onn!
En Surselva entscheiva igl onn niev cun in bi usit. En tut ils vitgs van ils affons a cattar biemaun. En gruppas pli pintgas u pli grondas van ils affons da casa tier casa per giavischar als vischins in bien niev onn. Cura ch’igl esch sesarva cloma l’entira gruppa il verset da biemaun. Quel tuna en mintga vitg empau auter. Per quels buns giavischs survegnan ils affons ina muneida.
Il suenter miezdi vegn festivaus ensemen cun padrins e madretschas ed el ravugl dils ulteriurs parents. Encunter sera semettan lu ils carschi sin via per festivar e far printgas sigl onn niev.
