Igl usit che ha percurriu el decuors dils davos decennis las pli grondas midadas ed adattaziuns ei il tscheiver. Ella novella „Il tscheiver de Cresta“ descriva Giacun Hasper Muoth co ei vegneva fatg tscheiver alla veglia en nos vitgs. In punct culminont dil tscheiver era a Breil ed en auters loghens „La Dertgira nauscha“ ed il „Tscheiver e la Cureisma“.
Pli tard ei il tscheiver vegnius pli publics. Cun saults e divertiment per in e scadin ein ils bals vegni transferi ellas ustrias. A Danis haveva oravontut il „Köbibal“ ell’ustria Steila gronda calamita
Ils onns 90 han uniuns da tscheiver entschiet ad organisar tils da tscheiver. Per dar tempra vegnevan musicas da tscheiver dalla Bassa engaschadas. Quei ei lu stau il stausch da partenza da sez far musica da tscheiver. Dapi in tschuppel onns dat ei a Danis-Tavanasa ed a Breil musicas da tscheiver: las Latiarnas e las Patlaunas.
