Florentina Camartin

Neiv dapertut Tut quiet eis ei vegniu, uras o ha ei neviu, tut las vias ein curcladas, ellas ston vegnir fulladas. Nus denton alzein la comba e marschein tras la neiv gronda, seruschnein sco tons uors alvs, en curtgin ed essan salvs. Ord cuorturiala (1994)

Florentina Camartin ei naschida ils 22 d’uost 1943 a Breil. Ella ha fatg la scola da gidontra da miedi a Sogn Gagl. Cun la vegliadetgna da 22 onns eis ella entrada en claustra ad Ingenbohl (Sviz). Leu ha ella fatg la scolaziun da mussadra. A partir digl onn 1971 entochen 1976 eis ella stada directura e scolasta da metodica al Seminari da mussadras. Lu ha ella luvrau sco mussadra e catecheta a Turitg, Mustér e Cuera. Ils davos onns da sia veta professiunala eis ella stada inspectura da scoletta e scola. Naven da 2009 entochen 2016 ei Florentina Camartin stada redactura dil Calender Romontsch.

Survesta dallas ovras