Usit da trer schibettas a Danis-Tavanasa
Usits (ni isonzas) ein schabetgs ni eveniments ritualisai, ils quals serepetan regularmein enteifer ina cuminonza pli pintga ni pli gronda. Els ein expressiun dallas tradiziuns che vegnan dadas da generaziun a generaziun. In usit ei buca in eveniment che schabegia semplamein a moda spontana. El ei definius pli u meins exact dil temps, dallas reglas d’execuziun, dalla gruppa ch’ei responsabla, mo era dils aspectaturs ed auditurs.
Usits ein permanentamein suttamess allas midadas dalla societad. Buca paucs usits han muort il svilup rasant dils davos decennis piars lur muntada, ein vegni vits e per part schizun svani. Auters han pudiu mantener lur muntada era grazia a certas adattaziuns e vegnan aunc oz practicai cun tutta premura e perschuasiun.
Ella vischnaunca da Breil s’engaschan biaras uniuns per las tradiziuns e per ina buna convivenza.
Ti anflas quellas cun cliccar sin Uniuns.
